GASYKAMANJA.COM

Maty kendan’ny taolana omaly

Ny alikan-dRamose Je@n-Faly

Ka ho vali-faty setrin’izany

Dia ireo T-5 ampianariny no mihinana androany...



Voky menaka ve sa manaizana?

No mihanahana sahala amin’ny gana!

2 ampina 2 mira dimy!

Fantaro sy tadidio izay manombok’androany...





Toa hoe nampirafy indray omaly

Ny vady malalan-dRamose Je@n-Faly

Ka ho vali-faty setrin’izany

Dia ireo T-5 ampianariny no mihinana androany...



Tsy ampy sakafo ve sa zanaka tompon-tany?

No sahy mitabataba toy izany!

Il etait une fois nos ancetres le gaulois!

Fantaro sy tadidio izay manombok’androany...





Marary kibon’ny vary masiso tsy fohy nariana omaly

Anio maraina i Ramose Je@n-Faly

Ka ho vali-faty setrin’izany

Dia ireo T-5 ampianariny no mihinana androany...



Havanareo angaha ny prezidan’ny fokontany?

No ’ty toa sahy manohatra izany fampianarako izany!

Raha te higoka ny fandrosoana!

Minoa hatrany, minoa fotsiny ihany...





Ramose "Je@n" o!

Ramose "Je@n" hoa a!

Aza adino ilay hoe "Faly"

Asehoy izy fa aza avela hiafina hatrany...



Ka miangavy anao re!

Satria ianao no olon-dehibe

Antsoy izy ho avy ety!

Aza sakanan’izy hanodidina ny solaitra be...



Aleloia, Amen!

Ho tanteraka tokoa anie izany...