GASYKAMANJA.COM

O zoky e mba mitandrema ihany

Mitandritandrema fa tena mandady ny trambo eto izany

O zoky e mba mitandrema ihany

Mitandritandrema fa tena mandady ny trambo eto izany



Zavatra sarotra heverina leisy no niseho tany

Sinoa toa manao bodongerona leisy no hitako tany

Dia alain-dry zalahy ny tanàna vidiny amin’ny vidiny mora

Dia ompainy amin’ny tenin-drazany ialahy dia fafazany rora

Behoririka moa amin’izao dia efa lasa tanànan-tsinoa

Eny Ivato sy eny Antanikatsaka an-dry lerony avokoa

Raha dinihina ny zava-misy ankehitriny dia mampanjoretra

Fa ho lasan’ny kely maso daholo ny harena rehetra

Ny gasy amin’izany dia mjalijaly izay miasa ao aminy

Voahidy any an-davapiringa ny bandy, ny sipa ao aminy



O zoky e mba mitandrema ihany

Mitandritandrema fa tena mandady ny trambo eto izany

O zoky e mba mitandrema ihany

Mitandritandrema fa tena mandady ny trambo eto izany



Mody anokafany trano fandihizana sy filokana

Nefa dia fika anarontsaronana ny hadalana

Fanariana an’ireo fakofakon-tsinoa izao ny eto amin’ny tanàna

Mizaka ny zom-pirenena ireny ka tena igagàna

Ireo tsy mahay tenintsika na kely kanefa dia gasy

Mody soloina ny anaran-tsinoa dia ho atao hoe Ramasy

Fivarotan-tsinoa no mameno tanàna amin’ny entana fôsika

Hita fa tsy ara-dalàna kanefa dia tsy alain’ny ôsika

Amidiny mora ny azy satria tsy mandoa ladoany

Vidin’ilay "palais de sport" no anton’izany



O zoky e mba mitandrema ihany

Mitandritandrema fa tena mandady ny trambo eto izany

O zoky e mba mitandrema ihany

Mitandritandrema fa tena mandady ny trambo eto izany



Fa malaza ankehitriny fa hoe miarin-doha hono ny firenena

Lohan’angidina anefa no hitako mivembena

Tsy afenina intsony fa aderadera ny fomba maloto

Ny afera maizina resak’alika sy jiolahim-boto

Izay fanampiana mba azo rehetra toa tsy hita trace

Atao toha-piakarana ny fahantran’ny gasy

Mizesta ery ny vaovaom-panjakana milaza aminao

An’ireo fanarahana vita sonia izay rehetra natao

Ilay ramatoa modamodaka izay raha milaza vaovao

Dia tsy menatra mihitsy midera mpitondra amin’izato bilao