GASYKAMANJA.COM

Vokatra ireo paiso ràn-kena
Mirehitra ireo azo mivoara-mena
Ao avaratrin’ny abatoara
Mihintsina ireo masaka

Alakamisy hariva andro tsy fianarana
Mifampitantana izahay roa lahy
Ho any avaratrin’ny abatoara
Hangalatra ireo paiso ràn-kena

Ref : Mena mena asa raha tadidin’ialahy
            Mena mena ny lokon’ny fahatsiarovana

Rehefa tonga eny ambony paiso
Hidiko ny varavarana
Manasaraka ny ambony sy ny ambany
Ny lanitra sy ny tany

Ny lanitra azo tsapaina tanana
Ny papango nanjary namana
Ny vavanay roa lahy amin’izany
Boba-drà amin’ny paiso ràn-kena

Ref : ……

Indray alakamisy izy tsy tonga
Fa lasa nifindra lavitra
Sendra hariva mena masoandro
Noheveriko fa faraandro

Nody aho tsy saha nangala-paiso
Nifampitantana izaho sy alaheloko
Ao avaratrin’ny abatoara
Mihintsana ny fahatsiarovana

Rehefa lehibe izaho hamboly paiso
Ny tokotaniko fenoiko
Ho vokatra ireo paiso ràn-kena
Ho tonga ireo ankizy hangalatra

Ref : …….