GASYKAMANJA.COM

Hono hoa Dada lazao anie
Maninona I Dadabe Noely
No mitafy matevina be
Nefa ny hafanana mamely ?
Noheveriny fa hangatsiaka
Mandritry ny tournée
Izy tsy mahay ny aty amintsika
Fa Dadabe importé.

Hono hoa Dada mba lazao
Maninona I Dadabe Noely
No manadino tsotra izao
Ny 4’mi an’Analakely ?
Ny mafy ady tsy ilainy
Sady maloto no tsy mino
Manahirana ny sainy
Ka nalehony nanadino.

Fa maninona I Andriamanitra
No namorona ny moka
Ny kalabe, ny lalitra
Sy ireo biby fokafoka ?
Ny biby tena ratsy tarehy
Dia nataony indray mipika
Ahafahantsika mirehareha
Hoe ny olombelona no tsarabika .

Hono hoa Dada f’inona kay
No mampalaza ny bois de rose
Ohatran’ny hoe tena milay
Raha henona aloha ny kôzy ?
Io ilay hazo mampianjera
Mampidoboka ny gisitra
Izay mba te ho milliardera
Nefa tsy nividy minisitra.

Hono hoa Dada maninona moa
No bedy aho tany an-tsekoly
Nanome bâ kely an’I kala Soa
Tamin’ny lera fialam-boly ?
Tsy azo atao ny mifankatia
rehefa anisan’ny kely indrindra
Nefa tsy bedy ialahy leity
Raha milalao migidragidra.

Rahoviana a no ho lasa olon-dehibe
F’efa leon’ izany hoe ankizy
Ka mba maika ny andeha
Amin’ny fiainana tena izy ?
Raha za ialahy aleko tsy maika
Mafy anie izany hoe olon-dehibe
Tsy maintsy mihogo tsy maintsy misaika
Tsy maintsy miasa ary manabe
tsy lany lainga tsy lany paika
mba hamalina an’ise.