GASYKAMANJA.COM

MANAHY



Manahy aho,

Ho hataonao toy ny sary indray mipika;

Na koa

Toy irony fasika hoentin-driaka;

Ny foko tia ka ts’isy fiarovana,

Manahy ny hataonao fandalovana,

Hozary fahatsiarovana

Ho zary fahatsiarovana.



   Tsara angamba, raha dieny izao,

   Dieny mbola tia ahy ianao,

   Hoy aho hoe

   Ny mety hatao: mifandao.



Manahy aho

Ho hataonao toy ny aloka miserana;

Na koa

Toy irony mamy tojo fahataperana;

Ianao voky fitia fa natao tsara fahana,

Izaho toy ny lovia avy nihinanana,

Hozary atosi-tànana,

Hozary atosi-tànana.



   Tsara angamba, ...



Tsy hifavavalo

Fa hisaraka toy ny mpihavana;

Ka

Ny tsara ihany no hifanodiavana;

Ka raha mifankahita any aoriana any,

Hiara-hitanisa ireo andro mamy,

Toy ny fitia tsy mola lany,

Toy ny fitia tsy mety lany.



   Tsara angamba...



Dadah